'Support to Electoral Processes and Democracy - STEP Democracy'

STEP Democracy ၏ ပဋိပက္ခဖြေရှင်းခြင်းဆိုင်ရာ သင်တန်းမှာ နိုင်ငံရေးပါတီတွေ ဘာတွေ လေ့လာကြလဲ

14 February, 2020

နိုင်ငံရေးပါတီများသည် ဒီမိုကရေစီ အကူးအပြောင်းတွင် အရေးပါသကဲ့သို့ ပဋိပက္ခဖြေရှင်းခြင်းဆိုင်ရာ တွင်လည်း အဓိကကျလှပါသည်။ ၄င်းတို့သည် နစ်နာနေသည့် နိုင်ငံသားများ၏တောင်းဆိုမှုကို ဖွင့်ဟထုတ်ဖော်ရာတွင် ကြီးမားသော အခန်းကဏ္ဍမှပါဝင်ပြီး၊ အရပ်ဖက်လူ့အဖွဲ့အစည်းနှင့် နိုင်ငံတော်၏ကြားတွင် မရှိမဖြစ် အရေးပါသော ချိတ်ဆက်မှုမှာ နိုင်ငံရေးပါတီများပင်ဖြစ်သည်။

ယခု“နိုင်ငံရေးပါတီများ အတွက် ပဋိပက္ခဖြေရှင်းရေး” သင်တန်းတွင် STEP Democracy -ရှေ့သို့မြန်မာ အစီအစဉ်သည် နိုင်ငံရေးရောင်စဉ် တစ်လွှားမှ နိုင်ငံရေးသမားအားလုံးကို အတူ တကွစုစည်းထားပြီး၊ ကြားဝင်စေ့စပ်ရေး၊ ဆွေးနွေးညှိနှိုင်းရေးနှင့် အပြန်အလှန်ဆွေးနွေးမှုတို့ကို နားလည်ရန် ၎င်းတို့ကို စွမ်းရည်များကို ကျယ်ပြန့်စေပါသည်။ ပဋိပက္ခနှင့်ပတ်သတ်၍ တစ်ကမ္ဘာလုံးမှ နိုင်ငံရေးသမားများနှင့် နိုင်ငံရေးပါတီများသည် အလားတူညီသော စိန်ခေါ်မှုများကို ကြုံတွေ့နေကြရပါသည်။ ဥပမာအားဖြင့် ပါတီတွင်းစည်းလုံးမှု၊ ပါတီအဖွဲ့အစည်းနှင့် ရွေးကောက်ပွဲ အတွက် ပြင်ဆင်ခြင်းနှင့် ပတ်သတ်၍ ပဋိပက္ခသည် အမြဲရှိနေပါသည်။

ထို့အပြင် နိုင်ငံရေးသဘောသဘာဝအရ ပါတီကိုယ်၌အတွင်းပင်လျှင် အားကောင်းစွာမတူညီသည့် ထင်မြင်ယူဆချက်များ ဖြစ်တည်ရှိနေနိုင်သည်။ ဆုံးဖြတ်ချက်ချရာတွင် ပါဝင်နိုင်မှုရရှိခြင်း၊ ပါတီတွင်းရွေးကောက်ပွဲ လုပ်ဆောင်မှုနှင့် လမ်းစဥ်များ အတွက် နိုင်ငံရေးသဘောတရား အတွေးအခေါ်ဆိုင်ရာနှင့် မူဝါဒရွေးချယ်မှုဆိုင်ရာများအတွက်လည်း သာဓက ပြုနိုင်သည်။

ထို့အပြင်  ဒေသဆိုင်ရာ၊ တိုင်းရင်းသား လူမျိုးဆိုင်ရာ  နှင့် မျိုးဆက်ဆိုင်ရာ ပဋိပက္ခများလည်း မကြာမကြာ ရှိတတ်ပါသည်။ မတူညီသောအကျိုးအမြတ် အဖွဲ့အစည်းများနှင့် နိုင်ငံရေး လှုပ်ရှားသူများသည် ယင်းကဲ့သို့ သဘောထားမတိုက်ဆိုင်မှုများနှင့် အငြင်းပွါးဖွယ်ရာများကို မလွဲမသွေ လက်ကိုင်ထားရှိ သောကြောင့် မြန်မာနိုင်ငံအတွင်းရှိ တိုင်းရင်းသားများ၊ နိုင်ငံရေးဆိုင်ရာနှင့် မတူကွဲပြားသောယဉ်ကျေးမှုဆိုင်ရာများ ပေါင်းစုတည်ရှိနေခြင်းသည် မြန်မာနိုင်ငံ၏ နူးညံ့သိမ်မွေ့သော ဒီမိုကရေစီပြောင်းလဲမှု ဖြစ်စဉ်ကို မီးမောင်းထိုးပြနေသည်။

STEP Democracy - ရှေ့သို့မြန်မာအစီအစဥ် သည် ဖေဖော်ဝါရီလ (၃) ရက်နေ့မှ (၅) ရက်နေ့ထိ တနင်္သာရီတိုင်းဒေသကြီး ထားဝယ်မြို့တွင် ပဋိပက္ခဖြေရှင်းမှုဆိုင်ရာ (၃)ရက်တာသင်တန်းတစ်ခုကို ပြုလုပ်ခဲ့ပါသည်။ STEP Democracy - ရှေ့သို့မြန်မာအစီအစဥ် အနေဖြင့် မြန်မာနိုင်ငံ၏ ပြည်နယ်နှင့် တိုင်းဒေသကြီး များတွင် ပြုလုပ်မည့် များပြားလှသော သင်တန်းများ၏ ပထမဆုံးသင်တန်း တစ်ခုဖြစ်ပါသည်။

နိုင်ငံရေးပါတီများအား ၄င်းတို့၏နိုင်ငံရေးပါတီအတွင်းဖြစ်နိုင်ချေရှိသည့် သို့မဟုတ် လက်ရှိဖြစ်နေသည့် ပဋိပက္ခများကိုသိရှိစေရန် နှင့် ထိုကိစ္စရပ်များကို အောင်မြင်စွာ မည်သို့ ကာကွယ်မည်၊ ကျော်လွှားကြမည်ဆိုသည်ကိုယခုသင်တန်းမှထောက်ပံ့ပေးသည်။

ငြိမ်းချမ်းရေးလုပ်ငန်းစဥ်နှင့် အမျိုးသားရေးအဆင့် ဆုံးဖြတ်ချက်ချမှုများတွင် တည်ရှိနေသော လက်ရှိရှုပ်ထွေးမှုများ နှင့်တကွ ပါတီအတွင်းမှ ကြားဝင်ဖျန်ဖြေခြင်း နှင့် သဘောထားတိုက်ဆိုင်မှု တည်ဆောက်ရေး အရည်အချင်းများသည် ပြည်နယ်နှင့် ဖက်ဒရယ်အဆင့်များမှ ပို၍ အထိအခိုက်မခံသော ရေရှည်ပြဿနာများကို ကျော်လွှားရာတွင် အသုံးပြုနိုင်သော လိုအပ်သည့် အရည်အချင်းများကို စတင်တည်ဆောက်ရန် အကောင်းဆုံးလမ်းကြောင်းတစ်ခုဖြစ်ပါသည်။

“ကျွန်တော်တို့ရဲ့ အတွေ့အကြုံအရ အခြားအဖွဲ့အစည်းတွေနဲ့ ညှိနှိုင်းချိန်မှာ ကျွန်တော်တို့ဟာ လုံးလုံးလျားလျားအရှုံးပေး ဒါမှမဟုတ် အကုန်အနိုင်ယူ ဆိုတဲ့ ပုံစံမျိုးသာရှိကြတယ်။ အဲဒါကြောင့် အစပိုင်းကတော့ ကျွန်တော်တို့အနေနဲ့ တခြားပါတီတွေနဲ့ ညှိနှိုင်း ဆက်ဆံတာဟာ ဆက်ခဲပြီးတော့ ဖြစ်နိုင်ဖွယ်ရာမရှိဆိုပြီးတော့ တွေးခဲ့ကြတယ်။ ဒါပေမယ့် တိုင်းပြည်ရဲ့ တိုးတက်မှုအတွက် ဖြေရှင်းနည်းတွေနဲ့ အပြန်အလှန် နားလည်မှုရဖို့အတွက် ဆွေးနွေးညှိနှိုင်းရမယ့် အခြေခံသဘောတရားတွေ နည်းစနစ်တွေကို အခုသင်တန်းကနေပြီးတော့ ကျွန်တော်တို့ကို ပေးပါတယ်” ဟု သင်တန်းသားတစ်ဉီးမှ ပြောဆိုခဲ့သည်။

ယခုသင်တန်းများမှ ပဋိပက္ခဖြေရှင်းခြင်းဆိုင်ရာများကို မတူညီသော သက်ဆိုင်သူများနှင့် မတူညီသော အခွင့်အလမ်းများကို ရှာဖွေသတ်မှတ်၊ ပူးပေါင်းဆောင်ရွက်နိုင်ရန် နှင့် အင်အားကောင်းသော မိတ်ဖက်များ တည်ဆောက်ရန် အခြေခံအရာများတည်ဆောက်ရာတွင် အသုံးပြုနိုင်သည်။ ထိုနည်းတူစွာ ကြားဝင်ဖြန်ဖြေရေး နှင့် ညှိနှိုင်းရေး အရည်အချင်းများကို ထိရောက်စွာအသုံးချခြင်းနှင့် မိတ်ဖက်အဖွဲ့အစည်းများအကြား နားလည်မှုတည်ဆောက်ခြင်းသည် ဒီမိုကရေစီ အပြောင်းအလဲ၏အဓိကကျသော နောက်ထပ်ခြေလှမ်းတစ်ခုဖြစ်ပါသည်

ဥရောပသမ္မဂ္ဂမှ ငွေကြေးထောက်ပံ့ပေးထားသော STEP Democracy ရှေ့သို့မြန်မာ အစီအစဥ်သည် မြန်မာနိုင်ငံ၏ ဒီမိုကရေစီ အကူးအပြောင်း ကို တောက်လျှောက်ပံ့ပိုးနေသည့်အပြင်လုပ်ငန်းလည်ပတ် နေသော နိုင်ငံရေးပါတီများ နှင့် လုပ်ဆောင်နေခြင်း သည် ဒီမိုကရေစီအကူးအပြောင်းကိုအားကောင်း စေရန် အရေးပါလှသည်။

ထို့ကြောင့် နိုင်ငံရေးပါတီများအတွက် ရည်ရွယ်ပြုလုပ်သည့် ပဋိပက္ခဖြေရှင်းခြင်းဆိုင်ရာသင်တန်းသည် STEP Democracy - ရှေ့သို့မြန်မာ အစီအစဥ်၏ ရည်ရွယ်ထားသော ဒီမိုကရေစီကို မြှင့်တင်ပေးရန် နှင့် ငြိမ်းချမ်းရေး တည်ဆောက်ရေးနှင့် ပဋိပက္ခကာကွယ်တားဆီးရန်ကို အထောက်အပံ့ဖြစ်စေပါသည်။STEP ၏ နိုင်ငံတကာမိတ်ဖတ်အဖွဲ့များဖြစ်သော  The Netherlands Institute for Multiparty Democracy (NIMD) and Demo Finland တို့သည် ပဋိပက္ခဖြေရှင်းနည်းဆိုင်ရာ သင်တန်းများ ကို မြန်မာနိုင်ငံ၏ ပြည်နယ်နှင့်တိုင်းဒေသကြီးများတွင် ဆက်လက်မျှဝေသွားမည် ဖြစ်သည်။